Campaign Header Image
Ribbon

Da cuminanza in pac plain ventira.

Nus festivain «2 x Nadal». Faschai in plaschair cun regalar in pachet online – a moda svelta e nuncumplitgada. U regalai in pachet postal cun rauba che vegn duvrada urgentamain. Dals 24 da december 2018 fin ils 11 da schaner 2019 prendain nus encunter Voss pachets postals.

L'onn passà è vegnida sperasvi ina mamma cun ses dus uffants ed ha bragì dal plaschair, perquai ch'ella n'ha betg stuì sa dumandar la fin dal mais tge ch'ella pudess dar da mangiar ad els.

Chantal Stähli, Crusch Cotschna Argovia 2017

L’agid da la Crusch Cotschna permetta d’avair ina tschavera chauda mintga di durant l’enviern.

Vera Banaga, 90 ons, Moldavia, 2018

Ils pachets online èn in agid spezialmain apprezià: els permettan da porscher als umans en miseria quai ch'els basegnan propi e d'evitar lungs viadis cun il camiun tras l'Europa e malempernaivladads a la duana. Pachets online pon ins regalar l'entir onn.

Passa 60'000 pachets per umans pertutgads da la povradad

A la 22avla ediziun da l'acziun «2 x Nadal» èn vegnids regalads 58'399 pachets postals e 1'888 pachets online. Uschia è il resultat da l'onn passà vegnì surpassà per passa 10'000 pachets. In cordial engraziament per Vossa solidaritad!

2019crop

Prominents gidan a zavrar

Per «2 x Nadal» s'engaschan mintg'onn numerusas persunalitads. Il 2019 ha Friedrun Burkhalter, l'ambassadura da la Crusch Cotschna Svizra, gidà ils voluntaris a zavrar la rauba ensemen cun passa 30 auters prominents.

2xweihnachten kaethidauwalder jounchamas 960x540

Davos las culissas

Da schaner fin mez favrer spacheteschan a Wabern sper Berna mintgamai tschients voluntaris ils pachets retschavids, zavran la rauba e la preparan per la repartiziun ad umans pertutgads da la povradad en l'entira Svizra. Cun ils pachets online vegnan finanziads projects dal Succurs d'enviern en l'Europa Orientala.

L'idea da parter ils regals cun auters umans è propi fascinanta. Pudair regalar insatge – quai è la vaira ventira.

Joos Sutter, CEO da Coop

La finamira è da dar enavos insatge a la societad.

Nubya, chantadura da Basilea

Dapi passa 20 onns sustegna l'acziun «2 x Nadal» umans en miseria.

Vossas donaziuns gidan umans pertutgads da la povradad a moda fitg concreta:

  • pachets postals cun victualias ed artitgels per l'igiena dal corp van directamain ad umans en l'entira Svizra.
  • cun las donaziuns dals pachets online vegnan cumprads al lieu victualias ed artitgels da basegn elementar per umans en l'Europa da l'Ost.

Dai vinavant insatge da l'abundanza e da la ventira dals dis da festa e gidai auters umans.