La rauba rimnada vegn zavrada e distribuida directamain ad umans pertutgads da la povradad ed ad instituziuns socialas en Svizra.
Mettai en Voss pachet sulettamain victualias che na van betg en mal u artitgels d’igiena per il corp. Las victualias duessan esser conservablas anc almain sis mais. Fitg tschertgads èn müeslis, confitura e crema da tschigulatta per l’ensolver, nutriment da pops, café ed ieli. Ultra da quai s’adattan artitgels d’igiena sco pasta da dents, barschuns da dents ed aua da dents.
Dai giu Voss pachet gratuitamain al spurtegl da posta dals 24 da december 2025 fin ils 18 da schaner 2026.
Cun pick@home vegn il postin tar Vus a chasa per il pachet.
Cumprai a partir dals 26 da december 2025 fin ils 14 da schaner 2026 en butias pli grondas dal Coop in dad pachets gia preparads e surdai el al servetsch da clients. Coop procura per il transport dals pachets a la Crusch Cotschna Svizra.
Sin coop.ch pudais Vus empustar dals 11 da december 2025 fin ils 14 da schaner 2026 pachets en la valur da 20, 50 e 100 francs.
Na, tut ils pacs vegnan averts e la rauba vegn zavrada. Suenter vegn ella distribuida via las associaziuns chantunalas da la Crusch Cotschna a persunas pertutgadas da povradad en l’entira Svizra. Uschia garantin nus ina qualitad impeccabla da la rauba regalada. Ultra da quai pudain nus mo uschia dar vinavant a moda sistematica las donaziuns, p.ex. pezs, nutriment da pops e products per la perioda, a tegnairchasas che han propi era da basegn dad ellas.
Tranter ils 24 da december 2025 ed ils 18 da schaner 2026 pudais Vus dar giu Voss pac cun l’indicaziun «2 x Nadal» a mintga spurtegl postal. La Posta metta a disposiziun etichettas d’adressa prestampadas ed il pac vegn transportà gratuitamain a la Crusch Cotschna Svizra.
Empleni Voss pac mo cun mangiativas ch’ins po conservar ditg ubain products per l’igiena corporala. Las mangiativas duessan esser conservablas anc almain sis mais. Spezialmain adattads èn müeslis, confitura e crema da tschigulatta per l’ensolver, nutriment da pops, té, café ed ieli. Plinavant èn adattads products sco pasta da dents, barschuns da dents ed aua da dents.
